सशस्त्र प्रहरीले बेवारिसे भारतीय किशोरीको उद्धार

रौतहट, १ चैत । यस जिल्लाको चन्द्रपुर नगरपालिका– १२ मा रहेको सशस्त्र बेस क्याम्प सन्तपुरले शुक्रबार बेवारिसे अवस्थामा रहेकी एक भारतीय किशोरीलाई उद्धार गरेको छ ।

क्याम्पका सशस्त्र प्रहरी नायब उपरीक्षक निरान्कर शुक्लाको नेतृत्व टोलीले चन्द्रपुर नगरपालिका–१२ मा बेवारिसे अवस्थामा भारतको सीतामढि घर बताउने १४ वर्षीया किरण गुप्तालाई फेला पारेकोे हो ।

ती किशोरीमाथि हुने सम्भावित घटनालाई मध्यनजर गर्दै थप सहयोग तथा आवश्यक प्रबन्धका लागि महिला सुरक्षा दबाब समूह रौतहटलाई बुझाएको शुक्लाले बताउनुभयो । रासस